DUNYODAGI ENG QISQA ASAR

Ushbu maqolada jahon adabiyotida o’zining nodir durdonalari bilan o’chmas iz qoldirgan, Nobel mukofoti laureati amerikalik yozuvchi, adib, jurnalist Ernest Hemingueyning qisman hayoti, asarlari mazmuni va badiiyati haqida so’z boradi. U barcha asarlarida o’zining his etganlari, ko’rgan-kechirganlari, boshidan o’tkazganlari, ko’zi bilan guvoh bo’lgan voqealarini qahramonlari hayotida gavdalantirishga harakat qiladi. Bu adib dunyo adabiyotida Joys, Kafka, Kamyu kabi adabiy tasavvur chegaralarini buzganligi, uslubi yoki jamiyat va inson mohiyatiga qoʼygan yangicha tashxisi bilan emas, uslubining oddiy va soddaligi, barcha obrazlarida urush avlodining oʼy-kechinmalarini hayotiy tarzda aks ettirgani, qahramonlari oʼz davrining badiiy timsollari darajasiga koʼtarila olgani bilan ajralib turadi. Uning ijodiy laboratoriyasi yosh yozuvchilarning ijod, adabiyot va hayot haqidagi tasavvurlarini quvvatlantirdi, kuch va imkoniyat bagʼishladi.