SUN’IY INTELLEKT ASOSIDAGI RAQAMLI PLATFORMALARNING GIBRID JAMOALARDA PSIXOLOGIK XAVFSIZLIK VA JAMOAVIY RUHGA TA’SIRI: BARQAROR RIVOJLANISH KOMPETENSIYALARINI SHAKLLANTIRISH OMILI SIFATIDA

Mazkur  maqolada sun’iy intellekt (SI) asosidagi raqamli platformalarning gibrid jamoalarda psixologik xavfsizlikni ta’minlash, jamoaviy ruhni mustahkamlash hamda barqaror rivojlanish kompetensiyalarini shakllantirishdagi nazariy va amaliy ahamiyati kompleks tahlil qilinadi. Tadqiqot zamonaviy raqamli transformatsiya sharoitida tashkilotlarda masofaviy va an’anaviy mehnat faoliyatining integratsiyalashuvi natijasida yuzaga kelayotgan kommunikativ, ijtimoiy-psixologik va boshqaruv omillarini o‘rganishga qaratilgan.Maqolada gibrid ish muhitida sun’iy intellekt texnologiyalarining kommunikatsiya jarayonlarini optimallashtirish, jamoa a’zolari o‘rtasida samarali hamkorlikni shakllantirish, qaror qabul qilish tezligi va aniqligini oshirish hamda xodimlarning emotsional holatini monitoring qilishdagi imkoniyatlari ilmiy jihatdan asoslab berilgan. Shuningdek, SI platformalarining adaptiv tahlil, avtomatlashtirilgan boshqaruv va ma’lumotlarga asoslangan tavsiyalar ishlab chiqish funksiyalari tashkilotlarda psixologik xavfsizlik muhitini shakllantirishga xizmat qilishi yoritilgan. Maqolada “inson–texnologiya” integratsiyasi konsepsiyasi asosida gibrid jamoalarni samarali boshqarishning innovatsion mexanizmlari ko‘rib chiqilgan bo‘lib, SI texnologiyalaridan foydalanishda texnologik samaradorlik va insoniy omillar o‘rtasidagi muvozanatni saqlash zarurligi asoslab berilgan. Tadqiqot natijalari sun’iy intellekt asosidagi platformalarning tashkilotlarda barqaror rivojlanish strategiyalarini amalga oshirish, inson kapitalini rivojlantirish va korporativ samaradorlikni oshirishdagi muhim rolini tasdiqlaydi.